Шаардык мэрия тарабынан берилген маалыматка ылайык, учурда мектепте болжол менен 2500 окуучу билим алууда.
Визит учурунда парта жана отургучтарды алмаштыруу, ошондой эле окуу шарттарында аныкталган башка кемчиликтерди жоюу зарылдыгы белгиленди.
Текшерүү процессинде мектептин территориясында мыйзамсыз курулуштар табылган.
Бар болгон маалыматтарга ылайык, мектепке тиешелүү жер участкасында 5 турак үй жана 3 коммерциялык объект, анын ичинде «Реми» рестораны, «Айгат» кафеси жана «Салам» мейманканасы курулган.
Шаар мэри Женишбек Токторбаев тиешелүү кызматтарга социалдык объектилердин жерлерин, мурда жеке менчикке өткөрүлгөн, кайрадан муниципалдык менчикке кайтарууну тапшырды. Ал ошондой эле мыйзамсыз курулуштардан бошотулган аймакта жаңы окуу корпусун куруу пландары тууралуу маалымдады.
