Мэрия тарабынан берилген маалыматка ылайык, кайтарылган аймакта ипотекалык курулуш боюнча долбоор ишке ашырылат. Учурда участкта бар болгон имараттарды бузуу боюнча иштер жүрүп жатат. Келечекте Мамлекеттик ипотекалык компания көп кабаттуу турак үйлөрдү курууну пландаштырууда.
Манас шаарынын вице-мэри Кубаныч Ималаниев билдиргендей, мурда ООО «Кубаныч ММ» компаниясына таандык болгон жер соттук акттын негизинде мамлекеттик менчикке кайтарылды.
«Соттук чечим жана прокуратуранын арызы болгон. Участканы мамлекеттик акт менен расмийлаштырганбыз, жер Мамлекеттик ипотекалык компанияга өткөрүлдү», — деп тактады Ималаниев.
