Мэриядан такталгандай, шаардык бийлик буга чейин башталган демонтаждоо иштерине тиешеси жок. Бузуу иштерин жаран Н. Шырдаков жүргүзүп жаткан, ага жер участогу 1999-жылы Ош шаардык администрациясынын токтомуна ылайык жеке менчикке берилген.
Бул жылы Ош облусунун прокуратурасы текшерүү жүргүзүп, сунуш киргизди. Натыйжада, жер жана суу ресурстарын пайдалануу боюнча контролдоо башкармалыгы 1999-жылкы токтомду жокко чыгаруу үчүн сотко арыз берди. Ош облусунун административдик соту арызды канааттандырып, участокту жеке менчикке берүү чечимин жокко чыгарды.
Мэриянын маалыматына караганда, жаран Шырдаков соттун чечими менен макул эмес, учурда анын иши апелляциялык инстанцияда каралууда. Демонтаждоо иштерин бардык сот процедуралары аяктаганга чейин убактылуу токтотуу чечими кабыл алынды.
