Маданият министрлигинин маалымат кызматы тарабынан берилген маалыматка ылайык, сериал мамлекеттик «Кыргызсериал» мекемеси тарабынан министрликтин каржылык колдоосу менен түзүлгөн. Анын сценарийи мамлекеттик архивдин материалдарына жана ар кандай тарыхый булактарга негизделген.
Картинанын сюжетинде 1917-жылдан 1924-жылга чейинки мезгилде болгон окуялар көркөм интерпретацияда чагылдырылып, кыргыз мамлекеттүүлүгүн түзүүдө маанилүү роль ойногон адамдардын тагдырына көңүл бурат. Алардын арасында Жусуп Абдрахманов, Ишеналы Арабаев, Абдыкерим Сыдыков, Иманаалы Айдарбеков жана Абдыкадыр Орозбеков сыяктуу белгилүү инсандар бар.
