Сериалдын сюжетинде 1917-жылдан 1924-жылга чейинки кыйын тарыхый мезгил камтылган, анда кыргыз элинин Уркундан кийинки тагдыры, бийлик вакууму жана улуттук мамлекеттүүлүк үчүн күрөш баяндалат. Башкы каарман 16 жаштагы Жусуп Абдрахманов, ал эми сериалда Абдыкадыр Орозбеков, Ишеналы Арабаев, Иманалы Айдарбеков жана Абдыкерим Сыдыков сыяктуу тарыхый инсанар да орун алган.
Сериалда камтылган негизги окуялардын арасында Түркестан автономиясынын кулашы, Кокандагы трагедиялык окуялар, ички конфликттер жана советтик репрессиялар бар. Негизги темалар — улуттук биримдик, адилеттүүлүк жана эркиндик. «Кара-Кыргыз» — элдин баатырдыгы жана тагдыры тууралуу маанилүү көркөм долбоор, деп билдирилди.
Долбоор «АРНА» продакшн-студиясы тарабынан мамлекеттик «Кыргызсериал» мекемесинин каржылык колдоосу менен түзүлгөн. Биринчи серияда көрүүчүлөргө төрт эпизод сунушталат. Режиссеру Суйун Откеев, ал эми башкы продюсери Женишгуль Озбекова.
