Шаардык мэриянын маалымат кызматынын маалыматына ылайык, 2 гектар аянтты ээлеген бул жерди көрктөндүрүү президенттин колдоосу менен мүмкүн болду. Сквердин аймагында балдар үчүн оюн аянтчалары жана мини-футбол аянтчасы түзүлгөн, ошондой эле тургундар үчүн сейилдөө зоналары уюштурулган.
Ачылыш учурунда шаар мэри Айбек Джунушалиев жергиликтүү тургундарды келе жаткан Жаңы жыл менен куттуктап, алар менен сүйлөшүү өткөрдү.
Мындан тышкары, жаз мезгилинде скверде кошумча жашыл насаждаларды отургузуу пландалууда.
