Учурдагы объект санитардык жана ветеринардык нормаларга жооп бербейт
Жайыл районундагы жумушчу сапары учурунда президенттин ыйгарым укуктуу өкүлү Азамат Осмонов мал базарынын абалы менен таанышып, жаңы объект куруу үчүн бөлүнгөн участканы карап чыкты.
Иштап жаткан базарды текшерүү учурунда анын санитария, ветеринария жана инфраструктура талаптарына жооп бербегени аныкталды. Аймактын санитардык абалы боюнча олуттуу көйгөйлөр табылды, ветеринардык нормаларды аткаруу үчүн шарттар жок, ошондой эле санитардык-техникалык инфраструктура, дренаждык жана суу агызуучу системалар жок. Бул кемчиликтер жаныбарлардын жана адамдардын ден соолугуна коркунуч туудурат. Базар коммерциялык негизде иштеп жаткандыгына карабастан, азыркыга чейин анын модернизациясы боюнча чаралар көрүлгөн жок.
Сапарынын алкагында Азамат Осмонов мал базары үчүн бөлүнгөн жаңы участокту да карап чыкты. Бул аймакта бардык талап кылынган санитардык, ветеринардык жана техникалык стандарттарды сактоо менен заманбап базар куруу үчүн пландар жана долбоорлор даярдалган.
Иштин үзгүлтүккө учурашына жол бербөө жана фермерлер үчүн ыңгайлуу шарттарды камсыздоо максатында, президенттин өкүлү эки-үч жума ичинде жаңы участокто ветеринардык көзөмөл менен убактылуу соода аянтын уюштурууну тапшырды. Жаңы мал базарын куруу боюнча курулуш иштери да бекитилген долбоорго ылайык ушул жерде башталат.
Учурдагы базар жаңы объекттин курулушу аяктаганга чейин ишин уланта берерин белгилеп өтүү маанилүү. Бул өтүүнү жумшартат жана соода операцияларынын үзгүлтүксүздүгүн сактайт.
