Мурда социалдык тармактарда бул медициналык мекемеде чоң адамдардын топтолушу жана узун кезектер тартылган видео пайда болгон. Бул боюнча Саламаттык сактоо министри Каныбек Досмамбеков чара көрүү боюнча көрсөтмө берди, ал ишке ашырылды.
Тактоолорго ылайык, видео кадрларына түшкөн консультативдик-диагностикалык бөлүмдө, күтүү зонасында тыгындарды жаратып жаткан лабораториялар башка жайларга көчүрүлдү. Жаңы каттоо пункту ачылып, күтүү залын кеңейтүү иштери башталды.
Учурда бейтаптарды кабыл алуу кадимки режимде жүргүзүлүүдө. Докторлор жана медициналык кызматкерлер белгиленген график боюнча калкты тейлөөнү улантууда.
