Бишкекте «Ала-Арча» каналынын суу деңгээли норманын чегинде турат, учурда анын агып кетүү коркунучу жок. Бул тууралуу Октябрь райондук администрациясы маалымдады.
Ведомствонун өкүлүнөн маалым болгондой, тиешелүү кызматтар, анын ичинде Октябрь райондук муниципалдык администрациясынын МТУ №402, ошондой эле суу чарбасынын адистери жана өзгөчө кырдаалдар кызматтары, кырдаалды үзгүлтүксүз мониторинг жүргүзүп, алдын алуу иш-чараларын өткөрүп жатышат.
Адистер каналдагы суу деңгээлин үзгүлтүксүз баалап, мүмкүн болгон коркунучтарды алдын алуу үчүн жээктердеги коргоо курулмаларынын абалын текшеришет.
