ГУ «Кызматтын» басма сөз кызматынан алынган маалыматка ылайык, Досалиевдин жыныс өзгөртүү тууралуу билдирүүлөр гипотетикалык болуп, мүмкүн болгон юридикалык көйгөйлөрдү иллюстрациялоо үчүн гана колдонулган.
«Ал келтирген мисал биздин мекеменин чыныгы практикасын, чечимдерин же демилгелерин чагылдырбайт. Биз жынысын өзгөртүү себептери менен ПИНди өзгөртүүнү сунуштабайбыз жана демилгелебейбиз», - деп билдиришти басма сөз кызматынан.
19-январда өткөн ЖК КР комитетинин жыйынында, техникалык каталар, номерлердин дубляждалуусу, ошондой эле жыныс же туулган күн тууралуу маалыматтын туура эмес көрсөтүлүшү сыяктуу учурларда ПИНди берүү жана өзгөртүү процессин жөнгө салган санариптик өнүктүрүү министрлиги тарабынан сунушталган мыйзам долбоору талкууланды.
Мыйзам долбоорунун негизги идеясы «бир адам - бир ПИН» принципинде, бул мамлекеттик маалыматтык системалардагы маалыматтын тактыгын камсыз кылууга жардам берет, деп айтылат түшүндүрмөдө.
