Анын маалыматына ылайык, Ала-Бука районундагы айылдык аймакта 53 миңден ашык адам жашайт, ал эми айыл өкмөтүндө бар болгону 14 кызматкер иштейт.
«Тургундар бизге арызданышып, бардык жарандарды тейлөөгө үлгүрбөй жатышканын айтышууда. Мурда бул райондо 29 миң адам жашачу, ал эми үч аймактын бириккенден кийин калк саны 53 миңге жетти. Бул тууралуу район жетекчилиги да билдирүүдө. Эми мурда үч айыл өкмөтү аткарып келген милдеттер бир айыл өкмөтүнүн кызматкерлерине жүктөлдү», — деди депутат.
Турсунбаев бул маселени бул районго гана эмес, өлкөдөгү көптөгөн башка жерлерге да тиешелүү деп билдирди.
Депутат өкмөттүн административдик-территориялык реформанын жыйынтыктарын кайра карап чыгышын жана айыл өкмөтүнүн штаттык санын жергиликтүү тургундардын санына жараша көбөйтүүнү сунуштады.
Эскерте кетсек, жүргүзүлгөн реформанын натыйжасында Кыргызстандагы айылдык аймактардын жалпы саны 452ден 231ге кыскарды.
