Ал Ички иштер министрлигинин мыйзамсыз наркотик жүгүртүүсүнө каршы кызматтын иши оң натыйжаларга ээ экенин белгиледи, бирок проблема абдан актуалдуу бойдон калууда.
Кожокулова: "Прокуратура органдары четте калбашы керек. Синтетикалык наркотиктерди колдонгондордун арасында 12ден 16 жашка чейинки балдар жана өспүрүмдөрдүн болушу тынчсыздандырат. Бул абдан тынчсыздандырарлык тенденция! Өкмөт жана укук коргоо органдары деңгээлинде дароо чараларды көрүү зарыл. Бул оору рак шишиги сыяктуу чоң метастаздар менен жайылууда. Биз бул багытта, өзгөчө Билим берүү жана Саламаттык сактоо министрликтеринин менен ишти күчөтүшүбүз керек", - деп кошумчалады ал.
Депутат ошондой эле наркотиктерди колдонуу менен байланышкан оор жана кооптуу кесепеттерди эске салды.
“Прокуратураны коррупция менен күрөшүү жана ишкердик ишмердүүлүгүн көзөмөлдөө менен чектелбөөгө чакырам. Жашы жете элек адамдар арасындагы абалга көңүл буруу маанилүү. Жаштардын синтетикалык наркотиктерге көз каранды болуп калуусуна багытталган максаттуу иштер жүргүзүлүп жатканы айдан ачык”, - деп жыйынтыктады Кожокулова.
