«Кабар» агенттигиндеги пресс-конференцияда Кыргызстан профсоюздар федерациясынын (ФПК) төрагасы Мурадил Джумадилде уулу калган беш объекттен кирешенин 71%га жогорулоосу тууралуу маалымдады. Анын айтымында, мындай өсүш профсоюздун мүлкүн эффективдүү пайдаланууну көрсөтөт.
Ал 1992-жылы ВЦСПСтин таралышынан кийин Кыргызстан профсоюздук объекттерди мурас катары алганын, натыйжада 217 объектке ээ болгонун, алардын 101и жеке адамдарга сатылганын эске салды.
Учурдагы сот иштерине токтолуп, Мурадил Джумадилде уулу учурда 110 сот процесси жүрүп жатканын, алардын 108и укук коргоо органдары жана прокуратура менен биргеликте өтүп жатканын белгиледи.
ФПКнын жетекчиси ошондой эле объекттердин бир бөлүгү мамлекеттин балансына кайтарылып жатканын, ал эми башка бөлүгү уюмдун карамагында калууда экенин билдирди. Ал мыйзамсыз сатылган объекттерди кайтаруу боюнча иштер аяктаганын жана 2025-жылдын аягына чейин негизинен жер участкаларын камтыган беш объектти калыбына келтирүү пландалганын баса белгиледи, алар жумушчулардын ден соолугун жакшыртуу үчүн пайдаланылат.
Мындан тышкары, Мурадил Джумадилде уулу профсоюздун мүчөлөрүнүн базасы боюнча маселелерди талкуулады. Ал путевкаларды бөлүштүрүү системасынан улам мүчөлөрдү эсепке алуу жана бөлүштүрүү боюнча мурдагы көйгөйлөрдү белгиледи.
«Федерация толук инвентаризация жүргүздү. Мурда профсоюзга 23 тармактык жана 6 облустук комитет кирген, азыр болсо алардын саны 16га калды. Учурда профсоюздун мүчөлөрүнүн саны 347 миң адамды түзөт», - деп жыйынтыктады ФПКнын төрагасы.
