Иш-чаранын негизги максаты улуттук руханий баалуулуктарды сактоо жана өнүктүрүү, чыгармачылык жана илимий потенциалды колдоо, коомдун интеллектуалдык ресурстарын бириктирүү, ошондой эле Кыргызстандын дүйнөлүк маданий жана илимий аренадагы позицияларын бекемдөө болуп саналат.
«Форум бир нече этаптан турат: биринчи этап райондук деңгээлде 2-февралдан 13-февралга чейин, экинчи этап шаардык жана облустук деңгээлде 16-февралдан 27-февралга чейин, үчүнчү этап чыгармачылык союздар жана илимий мекемелер арасында 2-марттан 13-мартка чейин, ал эми акыркы этап республикалык деңгээлде 24 жана 25-мартта уюштурулат. Иш-чарада чыгармачылык союздардын өкүлдөрү, илимпоздор, изилдөөчүлөр, маданий жана билим берүү адистери, коомдук ишмерлер, ошондой эле жаш интеллигенция өкүлдөрү катышат», — деп белгиленет билдирүүдө.
