Документти кол коюуда Кыргыз Республикасынын Транспорт жана байланыш министрлиги, Улуттук инвестициялар агенттиги, Бишкек шаарынын мэриясы, «Элдик Банк» ААК, «Бат Жет» ЖЧК жана Кытайдын China National Heavy Machinery Corporation компаниясынын өкүлдөрү катышты.
Меморандумдун негизги максаты бардык тараптардын аракеттерин координациялоо жана бул инфраструктуралык долбоорду ийгиликтүү ишке ашыруу үчүн кызматташтыкты өнүктүрүү болуп саналат, ал борбордун транспорттук логистикасын жакшыртууга жана Бишкектин жол тармагындагы жүктөмдү азайтууга багытталган.
Бардык катышуучулар тең укуктуулукка, өз ара пайдалуулукка жана ачыктыкка негизделген өнөктөштүк мамилелерин түзүүгө кызыктар экендиктерин билдиришти. Батыш айланма жолу долбоору транспорттук инфраструктураны өнүктүрүү жана Кыргыз Республикасынын экономикасына инвестиция тартуу боюнча негизги кадам катары каралууда.
