Сунушталган өзгөртүүлөрдүн алкагында «Кыргыз Республикасынын эл мугалими» деген жаңы наамды мамлекеттик сыйлыктар тизмесине кошуу пландалууда.
Сунуштун авторунун айтымында, «Эл мугалими» наамы 2001-жылдагы мыйзамда болгон, бирок 2017-жылдагы жаңыланган версиядан ал алынып салынган.
«2001-жылдан 2017-жылга чейин бул ардактуу наам 25 педагогго берилген, бирок учурда болгону жети адам гана бул наамга ээ», — деп айтылат мыйзам долбоорунун негиздемесинде.
Ашимбаева мугалимдерди таануу жана колдоо алардын кесибинин статусун жана престижин жогорулатууга көмөктөшөт деп белгиледи.
