Анын айтымында, ар бир билим берүү уюмуна коопсуздук кнопкасы орнотулган, анын тейлөөсүнө жыл сайын 15 миллион сом бөлүнөт.
«Өрт сигнализациясы 116 мектепте жана 118 бала бакчада орнотулган. Ленин районундагы бир нече окуу жайында жана үч бала бакчада сигнализацияны орнотуу боюнча иштер улантылууда. ТЖМ өрт ящиктеринин, гидранттардын жана башка жабдуулардын туура орнотулушун туруктуу текшерип турат. Өрт боюнча машыгуулар белгиленген график боюнча өткөрүлөт. Азыркы учурда эч кандай эскертүү жана нааразычылык катталган жок, баары мыйзамга ылайык жүргүзүлүүдө», — деп белгиледи Виктория Мозгачёва.
Ал ошондой эле бардык билим берүү мекемелери учурдагы мыйзамга ылайык камсыздандырылганын кошумчалады.
Вице-мэр 2025-жылдын майында № 63 мектепте директордун кабинетинде түтүн чыгуу окуясы тууралуу айтып берди. Кейинчерээк Мамлекеттик камсыздандыруу уюму оңдоп-түзөө чыгымдарын кайтарды.
«Мектептерде ошондой эле жаш куткаруучулар жана өрт бригадалары иш алып барууда, алар дайыма билим алып, оюн формасында өз көндүмдөрүн жогорулатуу үчүн атаандашып турушат», — деп кошумчалады Виктория Мозгачёва.
