Министрликтин маалыматына ылайык, курулуш аянтчаларын текшерүү министр Нурдан Орунтаевдин буйругу боюнча жүргүзүлүүдө. Баш калаада бул рейддерди Бишкек шаарындагы Мамлекеттик архитектуралык-курулуш контролдоо департаментинин башкармалыгы жүргүзүүдө.
Текшерүүлөрдүн биринде Шаумян көчөсүндөгү 10-үйдүн адресинде курулуштун зарыл уруксат документтерисиз жүргүзүлүп жатканы аныкталды. Министрлик курулушчуга каршы тиешелүү административдик чаралар көрүлөрүн билдирди.
Министрликте ошондой эле курулуш тармагында иш алып барган жарандар жана уюмдар мыйзамдык нормаларды жана эрежелерди сактоого, ошондой эле өз ишмердүүлүгүндө техникалык регламенттерди жана стандарттарды эске алууга чакырышты.
Министрликте курулуш объектилерин контролдоо боюнча рейддер өлкө боюнча, дем алыш күндөрүн кошкондо, улантыларын белгилешти.
