Комиссиянын негизги иш багыттарынын бири газификацияны өнүктүрүү болду. 2025-жылдын 28-апрелиндеги №349 буйрукка ылайык, үйлөрдү газга туташтыруу үчүн 150 миң сомго чейин 3% жылдык ставка менен жеңилдетилген кредиттер жеткиликтүү (буга чейин 8% болгон). Минприроданын маалыматы боюнча, Бишкекте 51 миңден ашык үй-бүлө газга кирүүгө жетишти, бул көмүрдү 100 миң тоннага азайтууга мүмкүндүк берди.
Ошондой эле, министрлер кабинетинин 2025-жылдын 6-октябрындагы №639 токтомуна ылайык, Бишкек жана Чүй облусунда 0–13 мм фракциядагы чачылган көмүрдү импорттоо, сатуу, сактоо жана колдонууга тыюу салынды. Бул чектөө жылуулук энергиясын өндүрүү менен алектенген ишканаларга тиешелүү эмес.
Мындан тышкары, Табигый ресурстар министрлиги атмосфералык абанын нормаларын сактоону көзөмөлдөө боюнча туруктуу рейддерди өткөрүүдө. 2025-жылы автотранспорттун чыгарган газ нормаларын ашыргандыгы үчүн 202 протокол түзүлдү, айыппулдардын суммасы 3,7 млн сомдон ашты. Текшерүүлөрдүн жүрүшүндө 450 субъект боюнча 9,87 млн сомго жалпы протоколдор түзүлдү, ал эми 3 795 субъектке экологиялык нормаларды сактоо зарылдыгы тууралуу билдирүүлөр жөнөтүлдү.
Ведомство ошондой эле Бишкектин экологиялык каркасын түзүүдө активдүү катышууда, бул борбордогу жашоо сапатын жана экологиялык абалды жакшыртууга багытталган.
