Ош шаарында Алишер Навоиго эстеликтин салтанаттуу ачылышы болуп өттү, бул тууралуу жергиликтүү мэриядан маалымат берилди.
Ачылыш аземине Ош шаарынын мэри Женишбек Токторбаев, президенттин өкүлү Аманкан Кенжебаев, Ош шаардык кенешинин төрагасы Болот Баетов, маданият, маалымат жана жаштар саясаты министринин орун басары Аскаралы Мадаминов, ошондой эле Өзбекстандан келген делегация, маданият министри Озодбек Назарбеков жана Андижан облусунун хокими Шухрат Абдурахманов, жергиликтүү тургундар катышты.
Эстелик Курманжан Датка жана Алишер Навои көчөлөрүнүн кесилишинде жайгашкан. Анын айланасында аймакты көрктөндүрүү иштерин жүргүзүштү. Бардык чыгымдар жергиликтүү бюджет тарабынан жабылган.
Эстеликтин ачылышы менен А. Навои көчөсүнүн толук реконструкциясы жана пайдаланууга берилиши аяктады, бул көчө Г. Айтиева көчөсүнөн Алымбек Датка көчөсүнө чейин созулат. Жол алты тилкеден турат жана узундугу 2,8 км, туурасы 25-26 метрди түзөт.
«Ошто Алишер Навоинын ысымы менен аталган парк, мектеп жана көчө бар. Эстеликтин ачылышы эки элдин достугун жана биримдигин белгилейт жана маданиятка болгон урматты көрсөтөт», - деп белгилешти мэриядан. ```
