Ачылыш салтанатына Ош шаарынын мэри Женишбек Токторбаев, жергиликтүү тургундар жана аксакалдар катышты. Кызыл лента салтанаттуу түрдө кесилди.
Мурда мэрия бул көчөнүн бөлүгүн кеңейтүү максатында жапкан. Оңдоп-түзөөдөн кийин жол бир тилке кеңейип, азыр беш тилкеден турат. Ошондой эле тротуарларга асфальт төшөлүп, коргоо тосмолору орнотулду.
Ош шаардык жол башкармалыгынын башчысы Женишбек Шоноевдин билдирүүсүнө караганда, оңдоп-түзөө иштерин бир акционердик коом жүргүзгөн. Азырынча чыгымдардын так сметасы даярдалган жок.
«Алдын ала 20 млн сомго жакын каражат сарпталды, бирок так смета дагы бекитилген жок», - деди Ж.Шоноев.
Мурда Алишер Навои көчөсүнүн Курманжан-датка жана Гапар Айтиева көчөлөрү менен кесилишкен бөлүгү алты тилкеге чейин кеңейтилген. Ошентип, бүгүн ачылган бөлүк беш тилкеден турат, ал эми көчөнүн калган бөлүктөрү алты тилкеден турат.
