Депутат Гулнара Баатырова Кыргызстандык мигранттар үчүн Россияда медициналык полистерди алуу жана кызмат көрсөтүү маселелерин чечүүнүн зарылдыгын белгиледи.
Медициналык камсыздандыруу фондунун (ФОМС) жетекчиси Азамат Муканов бул багытта иштер улантылып жатканын билдирди.
Ал "Кыргызстан Россияга ЕАЭБдеги келишимдерде көрсөтүлгөн шарттарды аткарбагандыгы үчүн доо арыз берди. Медициналык камсыздандыруу полиси Россияда иштеп жаткан эмгекчилердин үй-бүлө мүчөлөрүнө да берилүүгө тийиш. Бул келишим беш мамлекет тарабынан кол коюлган," - деп белгиледи ФОМСтин төрагасы.
Муканов ошондой эле сот жыйыны өткөн жумада өткөнүн жана чечим эки жумада күтүлүп жатканын билдирди.
