Ал: "Эгерде жарандар тез жардамдын жайгашкан жерин жана келүү убактысын көрө алышса, бул алар үчүн ыңгайлуу болот. Мындай маршруттоо абдан пайдалуу болмок" - деди.
Саламаттык сактоо министринин орун басары Айбек Маткеримов, колдонмо киргизүү пландары бар экенин, бирок негизги тоскоолдук тез жардам унааларынын жетишсиздиги экенин билдирди.
Ал: "Абал Бишкекте эң кыйын. Биз төрт-беш подстанцияны уюштуруу менен алектенип жатабыз жана жаңы унааларды сатып алуу мүмкүнчүлүгүн карап жатабыз. Калк өсүп жатат, ал эми жеткиликтүү тез жардам унааларынын саны аз бойдон калууда. Бул жылы Бишкектеги абалды жакшыртууга үмүттөнүп жатабыз" - деп кошумчалады.
Эгембердиева өзүнүн демилгесин келечекте эске алууга дагы бир жолу чакырды.
