Президенттин программасы боюнча жарлыгы 2026-жылдын 1-январынан тарта күчүнө киргенине карабастан, төлөмдөр бала бир жашка чыкканда гана жүргүзүлөт. Ошондуктан биринчи акча которуулар 2027-жылы башталат.
Бул программа жогорку тоолуу аймактарда жашаган, төртүнчү жана андан кийинки балдарын төрөлгөн энелерге арналган. Бир жолку төлөмдүн суммасы төрөлүү тартибине жараша өзгөрөт: төртүнчү бала үчүн 100 миң сомдон, онунчу жана ар бир кийинки бала үчүн 2 миллион сомго чейин.
Төлөмдү алуу үчүн, арыз берүүчү документтерди тапшырганга чейин көрсөтүлгөн аймакта кеминде эки жыл жашашы керек.
Баласы бир жашка чыккандан кийин акча алуу үчүн арыздарды алты ай ичинде берүү мүмкүн. Төлөмдөр эненин банктык эсепине которулат.
Министрликте ошондой эле, эгер төртүнчү төрөт учурунда егиз же үчем төрөлсө, мындай балдар төртүнчү жана андан кийинки балдар катары эсептелет жана төлөм ар бир бала үчүн өзүнчө белгиленген сумма боюнча жүргүзүлөт деп белгилешти.
Улуттук статистика комитетинин маалыматына ылайык, 2024-жылы өлкөдө төрттөн он балага чейин төрөлгөн 1 миң 900 эне катталган.
