Бул иш-чарага өкмөт башчынын орун басары Эдиль Байсалов, маданият, маалымат жана жаштар саясаты министри Мирбек Мамбеталиев, ошондой эле биринчи орун басар министр Союзбек Надырбеков жана Улуттук китепкананын өкүлдөрү катышып, бул тармактагы абалды жакшыртуу боюнча өз идеяларын сунушташты.
Талкуу учурунда катышуучулар китепкана системасынын учурдагы абалын карап чыгып, сектордун негизги көйгөйлөрүн аныкташты, жүргүзүлүп жаткан реформаларды талкуулашты, ошондой эле окуу маданиятын өнүктүрүү жана китепканаларды заманбап реалияларга ылайыкташтыруу маселелерин көтөрүштү.
Art dialog платформасынын жыйынтыгы менен китеп жана китепкана секторун мындан ары өнүктүрүүгө багытталган резолюция кабыл алынды, бул мамлекеттик органдар менен профилдик мекемелер ортосундагы конструктивдүү диалогду бекемдөөгө жардам берет, деп белгиленди билдирүүдө.
