Ишканадан алынган маалыматка ылайык, бул документ темир жол инфраструктурасын пайдалануу боюнча биргелешкен аракеттерди, туристтик маршруттарды кеңейтүү, жолаочулук кызмат көрсөтүүнүн сапатын жакшыртуу жана жаңы багыттарды түзүүнү камтыйт. Жыйындын катышуучулары өлкөдөгү темир жол туризми туруктуу өсүүнү көрсөтүп жатканын белгилешти.
«Кыргыз темир жолу» сүрөтү
Саякаттарга болгон суроо-талап «люкс», VIP жана «VIP-купе» категорияларындагы вагондордун жаңыланышы, ошондой эле «Балыкчы пляжы» токтомуна чейин маршруттун узартылышы аркылуу өстү. 2025-жылы Бишкек — Балыкчы багыты 116 122 жолаочуну тейлеп, бул өткөн жылга салыштырмалуу 131% га көбөйдү.
2022-жылдан 2025-жылга чейин Кыргызстан Европа, Америка жана Азиядан келген 27 туристтик поездди кабыл алды.
Компания кыймылдуу составды модернизациялоону, кызмат көрсөтүүнүн сапатын жакшыртууну жана санариптештирүүнү улантууну пландап жатканын билдирди: эми билеттерди ticket.railway.kg сайты жана railway.kg тиркемеси аркылуу сатып алууга болот.
