Министрликтин маалыматына ылайык, жол кызматтарынын адистери өз участокторун толук көзөмөлдөп жатышат.
Учурда өлкөнүн ашууларында кичине кар жаап жатат. Тайгак участктар менен күрөшүү үчүн инерттик материалдар колдонулууда, тазалоо иштеринин улантылып жатканы маалымдалууда. 11-февралдан баштап Бишкек — Ош автожолундагы Тоо-Ашуу жана Ала-Бель ашууларында, ошондой эле Суусамыр — Талас — Тараз маршрутуна жайгашкан Отмок ашуусунда жүк ташуучу унаалар үчүн чектөөлөр киргизилген.
Транспорт министрлиги айдоочуларды Жол кыймылынын эрежелерин так сактоого жана ар кандай жагдайларда каршы тилкеге чыгуудан качууга чакырат.
