Арал–Казарман участкасында транспорт толугу менен токтоду
12-февралда альтернативдүү авто жолдо Түндүк–Түштүк, Арал менен Казарман арасындагы (участок 243–296 км) кар көчкү түшкөндүгү тууралуу Кыргыз Республикасынын Транспорт жана байланыш министрлиги маалымдады.
Бул окуянын натыйжасында унаалардын кыймылы эки тарапта убактылуу токтотулду. Учурда кар көчкүнүн көлөмү такталууда.
Жолду тазалоо иштери Минтранс министрлигине караштуу №18 жол эксплуатациялоо ишканасы тарабынан жүргүзүлүүдө. Бул максатта атайын техника жөнөтүлүп, процесс уланууда.
Сүрөт Транспорт жана байланыш министрлигинин басма сөз кызматынан берилген.
