Мамлекеттик адистердин маалыматына ылайык, ооруга чалдыккандардын саны өткөн жумага салыштырмалуу 14,7 пайызга азайган.
Кызыктуусу, жалпы ооруган адамдардын 70 пайызы 14 жашка чейинки балдардан турат.
Оорунун эпидемиологиялык көзөмөлү Бишкек, Ош жана Токмок шаарларында оорунун оор формалары жана гриппке окшош оорулар боюнча улантылууда.
Дарыгерлер калкты профилактикалык чараларды сактоого, көп адамдар чогулган жерлерден качууга жана өз алдынча дарыланбоого, жашаган жериндеги поликлиникаларга медициналык жардамга кайрылууга чакырышат.
