Минск шаарында өткөн мамлекеттер аралык сүйлөшүүлөрдө СНГга мүчө өлкөлөрдүн дипломаты БУУнун адам укуктарын коргоо органдарынын ишин саясийлаштырууга каршы бирдиктүү позиция түзүүгө чакырышты. Алар адам укуктары боюнча конструктивдүү жана өз ара сыйлаган кызматташтыктын зарылдыгына көңүл бурушту.
Талкууларга Азербайжан, Беларусь, Кыргызстан, Россия, Тажикстан, Өзбекстан делегациялары жана СНГнын Аткаруу комитетинин өкүлдөрү катышты.
«Жыйындын катышуучулары БУУнун Адам укуктары боюнча жогорку комиссарынын башкармалыгын (АУКБ) реформалоо аракеттерине биргелешип каршы туруу зарылдыгын белгилешти, анткени ал мамлекеттердин көзөмөлүнөн тышкары өз алдынча уюмга айланбашы керек. Ошондой эле, Адам укуктары боюнча кеңештин учурдагы финансылык көйгөйлөрүнүн бир себеби анын күн тартибин туура эмес толтуруу экендиги баса белгиленди», — деп айтылат расмий билдирүүдө.
Мындан тышкары, дипломаттар Экинчи дүйнөлүк согуштун тарыхын бурмалоо аракеттерине каршы биргелешкен аракеттердин зарылдыгына келишти жана БУУнун адам укуктарын коргоо жана башка адистештирилген органдарына шайлоолордо бири-биринин кандидаттарын колдоону билдиришти.
