2025-жылы Ахунбаев көчөсүндө Ч. Айтматов проспектинен Абдрахманов көчөсүнө чейинки участокту камтыган пилоттук долбоор ийгиликтүү ишке киргизилген. Бул жылы анын улантылышы пландалууда.
Учурда Токомбаев (Түштүк магистраль), Абдрахманов жана Жибек Жолу көчөлөрүндө бөлүнгөн тилкелерди түзүү мүмкүнчүлүгү каралууда.Департаменттин жетекчисинин билдирүүсү боюнча, бөлүнгөн тилкелер кеңири транспорт реформасынын бир бөлүгү болуп, маршруттук тармакты оптималдаштыруу менен бирге ишке ашырылат. Негизги максат - коомдук транспортту жалпы автоунаа агымынан бөлүп, тыгындардын таасирин минималдаштыруу.
Ал белгиледи: "Учурда жеке автоунаадабы же автобустабы, экөө тең тыгындарда турат. Ошондуктан коомдук транспорт үчүн өзүнчө тилкелерди түзүү зарыл".
