Карасартова кармоо учурунда ага жакындарына телефон чалууга мүмкүнчүлүк берилбегенин, мыйзам боюнча жумасына 15 мүнөттүк чалууларга уруксат берилгенине карабастан, билдирүүдө.
Анын арызына жооп катары ГСИН комментарий жарыялап, Карасартованын билдирген фактылары чындыкка дал келбестигин белгиледи. Ведомстводо жаңы айыпталуучулар келгенде алардын укуктары жана милдеттери, ошондой эле мекеменин тартиби жана талаптары менен тааныштырыларын баса белгилешти.
ГСИН өз ишин Кыргызстандын мыйзамдарына ылайык жүргүзүп жатканын жана сотто өз позициясын коргоого даяр экенин билдирди. Уюм бардык адамдарды, анын ичинде ЖМКлар жана камактагы адамдардын жакындарын, расмий маалымат булактарына гана таянууга жана жалган маалыматтарды таратуудан качууга чакырды.
Эскерте кетсек, 2025-жылдын сентябрь айында Свердлов райондук соту Рита Карасартованы 278-беренеси «Жапырт башаламандык» жана 327-беренеси «Күч менен бийликти басып алууга чакыруу» боюнча күнөөлүү деп тапкан. Ага 50 миң сом айып пул жана беш жыл пробациялык көзөмөл белгиленген.
Карасартованын адвокаттары бул чечимге шаардык инстанцияга аппеляция беришкен, бирок аппеляциялык коллегия өкүмдү өзгөртпөй, жаза жана пробациялык көзөмөл шарттарын күчүндө калтырды.
