Жанар Акаев жаңы долбоорлор менен алектенген ишкерлер жана курулуш компанияларынын өкүлдөрү менен, тиешелүү кызматтардын жетекчилери менен жолугушуу өткөрдү.
Тараптар келип чыккан талаш-тартыштын себептерин талкуулап, өз нааразычылыктарын жана сунуштарын билдиришти.
Мэр шаар тургундары үчүн ыңгайлуу шарттарды түзүү, ишкерлердин укуктарын коргоо жана шаарда тартипти камсыз кылуу өзүнүн ишинин приоритеттеринин бири экенин белгиледи. Ал ошондой эле бул маселени мыйзамга ылайык жана ачык түрдө чечүүнүн маанилүүлүгүн айтты.
Мэрияда Алишер Навои атындагы парктын эски соода палаткаларын бузуу январь айында мурдагы мэр Женишбек Токторбаевдин буйругу менен башталганын такташты. Бул иштер аймакты тазалоо, жаңы дарактарды отургузуу жана шаардыктар үчүн коопсуз жана заманбап эс алуу зонасын түзүү максатында жүргүзүлүүдө.
