Резолюцияны 107 мамлекет колдосо, 12 өлкө каршы болду, ал эми Кыргызстан, АКШ жана Кытайды кошкондо 51 өлкө добуш берүүдөн баш тартты.
Документ Украинанын көз карандысыздыгы, суверенитети жана аймактык бүтүндүгүнүн маанилүүлүгүн баса белгилейт. АКШнын бул принциптер жана БУУнун Уставы менен байланышкан эки абзацты тексттен алып салуу боюнча сунушу колдоого алынган жок, жана резолюция өзгөртүүсүз кабыл алынды.
БУУнун сүрөтү
Резолюцияны көптөгөн европа өлкөлөрү, Канада, Жапония, Австралия, Түштүк Корея, ошондой эле Латин Америкасы жана Африка өлкөлөрү колдоду. Каршы чыккан өлкөлөрдүн катарында Россия, Беларусь, Сирия, Түндүк Корея, Эритрея жана Иран бар.
Добуш берүүдөн баш тарткандардын арасында Кыргызстандан тышкары АКШ, Кытай, Индия, Пакистан, Сауд Аравиясы, Оман, Катар, Сингапур, Словакия жана башка өлкөлөр да бар.
Документ аскердик аракеттерди токтотуу жана конфликтти тынчтык жолу менен чечүүнүн, ошондой эле эл аралык укукту жана БУУнун Уставынын нормаларын сактоонун зарылдыгына көңүл бурат.
