Учурда Мекке жана Мединада болгон кыргызстандыктарга тынчтыкта болушу, түзүлгөн кырдаалды эске алып, туристтик компаниялардын жана топ жетекчилеринин сунуштарына ылайык иш алып баруусу сунушталууда.
Кайрылууда паникага түшпөөгө жана шарттардын нормалдашып, авиарейстердин калыбына келүүсүн сабыр менен күтүүгө чакыруу айтылат. Бул убакта планетадагы тынчтык, мусулмандар коомунун биримдиги жана Кыргызстанды өнүктүрүү үчүн дуба кылуу сунушталат.
Умрага барууну пландап жаткан адамдарга, региондогу кырдаал стабилдешкенге чейин пландарын жылдыруу сунушталат.
Мындан тышкары, ДУМК учурдагы кырдаалда кыргызстандыктарды мекенине кайтаруу боюнча уюштуруу иштерин жүргүзүү үчүн убактылуу аралык штаб түзүлгөнүн маалымдады.
