Окуя 1-мартта, саат 4:00дө, эс алуучулар тобу «Мугалим» чокусуна жөө сапарга чыкканда болду. Шаркыратмага жеткенде, катышуучулардын бири сууктагандыктан аң-сезимин жоготуп койду, жана бул тууралуу маалымат 112 кызматына берилди.
Окуя болгон жерге беш куткаруучу чыгып, тез арада жабыркаганга биринчи медициналык жардам көрсөтүштү. Учурда анын абалы туруктуу.
Эскертүү керек, Өзгөчө кырдаалдар министри, генерал-майор Урматбек Шамыркановдун буйругуна ылайык, куткаруучулар «Ала-Арча» паркында туруктуу негизде кезектешип турушат.
