Уюмдун кызматкерлеринин маалыматына ылайык, жаңы долбоор мобилдик медициналык бригаданы түзүүнү камтыйт, ал реабилитациялык борборлорго чыгат.
«Балдар педиатрлардан квалификациялуу жардам ала алышат, ошондой эле УЗИ-скринингден өтүшөт. Бул демилге мүмкүнчүлүгү чектелген балдар үчүн медициналык кызматтарды, айрыкча алыскы аймактарда, жеткиликтүү кылууга багытталган», — деп билдиришти ADRAнын өкүлдөрү.
Өткөн жумада «Келечек» реабилитациялык борборунда балдар текшерүүдөн өтүштү. Докторлор зарыл медициналык процедураларды жүргүзүп жатканда, уюмдун башка кызматкерлери балдар менен иштеп, аларга түстүү карандаштар менен сүрөт тартууну жана аба пластилинден фигураларды жасоону сунушташты. Бул балдар жана алардын ата-энелери туш болгон кыйынчылыктарга карабастан, долбоор оң эмоцияларды жаратат: ыраазычылык, кубаныч жана жылуулук. Март айында мобилдик топ аймактарга чыгуу пландаштырылууда», — деп кошумчалашты уюмда.
Долбоор Кыргыз Республикасынын Эмгек, социалдык камсыздоо жана миграция министрлигинин колдоосу менен ишке ашырылууда.
