Переговорлор учурунда шаарды суу менен камсыздоо боюнча интеллектуалдык башкаруу долбоорунун негизги аспекттери талкууланды. Инициативаны ишке ашыруу үчүн жалпы сумма $10 миллионду түзөт, бул каражат кайтарымсыз грант катары бөлүнөт.
Долбоор «Озгур» суу тазалоо станциясын модернизациялоону жана шаардык суу камсыздоо системасын заманбап цифралдык жана «акылдуу» технологияларга өткөрүүнү камтыйт. Ошондой эле тараптар мекеменин уюштуруу жана операциялык мүмкүнчүлүктөрүн жогорулатуу, кызматкерлерди окутуу жана инфраструктураны жаңылоо зарылдыгын талкуулашты. Маалыматта долбоорду биргелешип ишке ашыруу жана узак мөөнөттүү кызматташтык боюнча макулдашууга жетишилгени белгиленет.
Бул инициатива Ош шаарындагы суу камсыздоо системасын модернизациялоого көмөктөшүп, ресурстарды натыйжалуу пайдаланууга жана калкка кызмат көрсөтүүнүн сапатын жакшыртууга шарт түзөт.
