Интернеттен алынган сүрөт
9-мартта Манас шаардык кеңешинин кезексиз сессиясында депутаттар жаңы төраганы шайлашты. Добуш берүүнү уюштуруу үчүн атайын комиссия түзүлдү. Биринчи турда эки талапкердин эч бири керектүү добуштарды ала алган жок.
Үч сааттык талкуудан кийин, добуш берүүнүн экинчи раундунда 33 жаштагы депутат Аскат Талант уулу Манас шаардык кеңешинин төрагасы болуп шайланды.
Мурдагы төрага Нуртилек Болотов кызматтан кеткен.
Депутаттардын маалыматы боюнча, жаңы спикер өз аймагындагы жергиликтүү өз алдынча башкаруу органдарынын эң жаш жетекчилеринин бири болуп саналат.
Жаңы төрага жакын арада өз милдеттерин аткарууга киришет.
