Көпүрөнүн түштүк тарабы март айынын аягында ачылышы пландалууда
Бишкекте, аба ырайынын жакшыргандыгынын натыйжасында, Жибек-Жолу проспектиндеги көпүрөнүн түндүк тарабын ушул улантылган дем алыш күндөрүндө унаалар үчүн ачат. Бул тууралуу шаардык муниципалитеттин басма сөз кызматы маалымат берди.
Маалыматка караганда, реконструкция башталгандан мурда көпүрөнүн туурасы 9 метрди түзгөн, бирок иштер аяктагандан кийин бул көрсөткүч түндүк тарабында 13 метрге чейин жогорулаган.
Натыйжада, көпүрөнүн жалпы туурасы азыр 34,3 метрди, узундугу болсо 25 метрди түзөт.
Мэриянын маалыматына ылайык, транспорттун кыймылы жаңы ачылган түндүк тарабы боюнча уюштурулат, ал эми түштүк тарабы март айынын аягында гана ачылат.
сүрөт www
