Оорукананын персоналы менен сүйлөшүү учурунда министр медициналык маалыматтарды башкаруу боюнча киргизилген электрондук система тууралуу маалымат алды. Бул система документацияны жүргүзүүгө, дайындоолорду жана дары-дармектерди эсепке алууга, ошондой эле дарылоо процессин координациялоого жардам берет, бул дарыгерлердин бейтаптар тууралуу керектүү маалыматка жетишүүсүн кыйла жеңилдетет.
Дамир Осмонов ошондой эле кардиология кызматын жана ангиографиялык операция бөлмөсүн зыярат кылды, анда заманбап диагностикалык жана дарылоо процедуралары жүргүзүлөт.
Жолугушууда органдарды трансплантациялоо программасына өзгөчө көңүл бурулду. Оорукананын өкүлдөрүнүн билдирүүсүнө караганда, 2023-жылдан баштап түрк адистеринин катышуусунда бөйрөктү трансплантациялоо программасы башталды. Натыйжада, бул процедура үчүн тандалган 16 бейтапка операциялар жүргүзүлдү.
Кийинки операцияларга бейтаптарды даярдоо уланууда.
Жолугушуу учурунда трансплантациялык кызматты өнүктүрүү боюнча кийинки кадамдар, жаңы бейтаптарды тандоону уюштуруу жана кийинки операцияларды пландоо маселелери талкууланды.
