Пресс-кызматынан алынган маалыматка ылайык, жакында аталган долбоор боюнча Геология институту менен кызматташтыкта экинчи жумушчу жыйын өттү.
«Бул атлас көп функциялуу илимий басылма болуп, региондун геологиялык өзгөчөлүктөрүн, геофизикалык мүнөздөмөлөрүн жана минералдык потенциалын кенен чагылдырат. Атлас орус жана англис тилдеринде эки том болуп чыгарылат, бул эл аралык илимий коомчулуктун, инвесторлордун жана изилдөөчүлөрдүн көңүлүн бурууга мүмкүнчүлүк берет», — деп белгиленет расмий билдирүүдө.
Кыргызстандын Табигат министрлиги бул долбоор өлкөнүн илимий жана стратегиялык потенциалын бекемдөөгө, ошондой эле геологиялык-өнөр жай секторунун туруктуу өнүгүүсүнө жана эл аралык илимий коомчулукка интеграциялоого негиз түзөөрүн баса белгилейт.
