Жолугушууда билим берүү, спорт, шаардык инфраструктураны жакшыртуу жана инвестициялык мүмкүнчүлүктөрдү кеңейтүү сыяктуу ар түрдүү тармактарда эки тараптуу кызматташуунун келечеги талкууланды.
Шаар мэри Британиянын UK Export Finance агенттиги менен кызматташууга кызыгуусун билдирип, агенттиктин финансылык колдоосу менен Ош шаарын айлануучу заманбап жол куруу долбоорун ишке ашырууну сунуштады.
Бул долбоор шаардагы транспорт агымдарын жөнгө салууга, тыгындарды азайтууга жана транзиттик транспортту калктуу конуштун четине чыгарууга багытталган, бул болсо жол кыймылынын коопсуздугун жогорулатат.
Тараптар Ош менен Улуу Британиянын ортосунда өз ара пайдалуу мамилелерди өнүктүрүүнү улантууга, ошондой эле экономикалык, инвестициялык жана инфраструктуралык тармактарда биргелешкен долбоорлорду ишке ашыруу мүмкүнчүлүктөрүн талкуулоого даяр экендиктерин билдиришти.
