Депутаттар кызыкчылыктар конфликти боюнча мыйзамга өзгөртүүлөрдү талкуулашты, депутат Гуля Кожокулова мыйзам бузгандарды жоопкерчиликке тартуу темасын көтөрдү.
Акназаровдун айтымында, 2025-жылы 70тен ашык текшерүү жүргүзүлүп, 172 мыйзам бузуулар аныкталган. Бир кызматкер нормативдик актыларды аткарбаганы үчүн айыппулга тартылган, ал эми 84 адам дисциплинардык жазага тартылган. Негизги мыйзам бузгандар мамлекеттик мекемелердин жана жергиликтүү бийлик органдарынын кызматкерлери болуп, алар өзүнүн жеке кызыкчылыктары тууралуу декларацияларды бербеген же муниципалдык мүлктү жеке максаттарда колдонгон.
