Баткен облусунда жайгашкан «Кызыл-Кыя» көзөмөл постунда химиялаштыруу, өсүмдүктөрдү коргоо жана карантин департаменти кызматкерлери Узбекстандан келген көчөттөрдү киргизүүгө жол бербей, алар фитосанитардык контролдон өтпөгөндүгүн билдиришти. Бул Кыргыз Республикасынын Суу ресурстары, айыл чарба жана кайра иштетүү өнөр жайы министрлиги тарабынан берилген маалыматтын негизинде белгилүү болду.
Текшерүү учурунда Узбекстандан алып келинген 82,830 көчөттүн керектүү таңгагы жок экендиги аныкталды.
2016-жылдын 30-ноябрында Евразия экономикалык комиссиясынын №157 номерлүү токтомуна ылайык, карантиндик продукциянын ар бир таңгакта товардын аталышы, келип чыккан өлкө, ошондой эле экспорттоочу же кайра экспорттоочу өлкө жөнүндө маалыматты камтышы керек.
Таңгагынын жоктугу Евразия экономикалык биримдигине кирген өлкөлөр үчүн белгиленген жалпы карантиндик фитосанитардык талаптарды бузуу болуп эсептелет, бул болсо жүктүн импорттоочу өлкөгө кайра кайтарылышына себеп болду.
Аделя Клычева
