Министрлик тарабынан берилген маалыматка ылайык, 2026-жылдын 23-февралында Баткен облусунун Химизация, өсүмдүктөрдү коргоо жана карантин департаментине караштуу «Кызыл-Кыя» фитосанитардык көзөмөл постунда текшерүү учурунда упаковкада милдеттүү белгилөө жок экени аныкталган.
Евразия экономикалык комиссиясынын 2016-жылдын 30-ноябрында кабыл алынган (№157 чечим) эрежелерине ылайык, карантинге алынган продукциянын ар бир упаковкасы анын аталышын, келип чыккан өлкөсүн жана экспорттоочу же кайра экспорттоочу өлкөнү көрсөткөн белгилөө менен жабдылышы керек.
Министрликтен билдиришкендей, милдеттүү белгилөөсүз карантиндик товарларды алып келүү Евразия экономикалык биримдигинин бирдиктүү карантиндик фитосанитардык мыйзамдарын бузуу болуп саналат. Ошондуктан көчөттөрдүн партиясы кайрадан жөнөтүүчүгө кайтарылды.
