Баткен облусундагы «Кызыл-Кыя» фитосанитардык контролдук постунда текшерүү учурунда Химиялаштыруу, өсүмдүктөрдү коргоо жана карантин департаментинин кызматкерлери 82 830 импорттолгон көчөттүн упаковкасында зарыл болгон маркалоонун жок экенин аныкташты.
2016-жылдын 30-ноябрындагы Евразия экономикалык комиссиясынын № 157 токтомуна ылайык, карантинге алынган продукциянын ар бир упаковкасы товардын аталышы, келип чыккан өлкө жана экспорттоочу же кайра экспорттоочу өлкө тууралуу маалыматты камтышы керек.
Карантинге алынган жүктүн маркалоосунун жоктугу Евразия экономикалык биримдигинин бирдиктүү фитосанитардык талаптарын бузуу болуп эсептелет, бул болсо аталган жүктүн кайра экспорттоочу өлкөгө кайтарылышына себеп болду.
