Мыйзам долбоору кайырчылыктан эксплуатациялануучу уязвимдүү топторду коргоого да багытталган.
Бүгүн Жогорку Кеңеште сот-укуктук маселелер, укук тартиби, кылмыштуулукка каршы күрөшүү жана коррупцияга каршы күрөшүү боюнча комитеттин жыйыны өттү, анда «Кыргыз Республикасындагы кээ бир мыйзам актыларына өзгөртүүлөрдү киргизүү жөнүндө» мыйзам долбоору экинчи окууда каралды.
Комитеттин төрагасы Суйунбек Омурзаков мыйзам долбоору боюнча маалымат берди.
Ал документтин максаты кайырчылыкты азайтуу, анын коомдук тартипке терс таасирин минималдаштыруу, ошондой эле жолдордо коопсуздукту жогорулатуу, кайырчылыкты жолдун үстүндө болтурбоо экенин белгиледи. Уязвимдүү жарандар категорияларын эксплуатациядан коргоого өзгөчө көңүл бурулду.
Депутаттар мыйзам долбоорун экинчи окууда талкуусуз колдошту.
сүрөт www
