26-февралда КРнын акыйкатчы институтунун (омбудсмен) кызматкерлери ГСИНдин №27 мекемесинде текшерүү өткөрүшүп, соттолгондордун укуктарынын сакталышын баалап, алар менен баарлашышты.
Текшерүүнүн жыйынтыгында үч арыз түшүп, алардын арасында беш жыл эркинен ажыратылган Германиянын жаранынын кайрылуусу да болду. Ал Германиянын элчилигине өзүнүн жайгашкан жери тууралуу маалымат берүүнү суранып кайрылган.
Белгилей кетүүчү жагдай, Германиянын жараны КРнын Кылмыш-жаза кодексинин 332-беренеси боюнча "Экстремисттик материалдарды даярдоо жана таратуу" үчүн соттолгон.
