Бишкекте жолдордо коопсуздукту жогорулатууга арналган маанилүү профилактикалык иш-чара өттү.
Акциянын инициаторлору Патрулдук милиция башкармалыгы жана Мамлекеттик камсыздандыруу уюму болушту. Иш-чаранын алкагында айдоочуларга жол белгилеринин сүрөттөрү менен атайын китептер бекер таратылды, ошондой эле Жол кыймылынын эрежелерин сактоонун маанилүүлүгү боюнча түшүндүрүү сүйлөшүүлөрү өткөрүлдү.
Мындан тышкары, жол кыймылынын катышуучуларына өз ара сый-урмат, сабырдуулук жана жоопкерчилик зарылдыгы эскертилип, жолдо сабырдуулук көрсөткөн жарандарга ооз ачуу үчүн тамак-аш сунушталды.
УПСМде иш-чаранын негизги максаты Жол кырсыктарынын алдын алуу, айдоочулардын билим деңгээлин жогорулатуу жана жолдо коопсуз жүрүм-турум маданиятын калыптандыруу экендиги белгиленди.
Мындай акцияларды туруктуу өткөрүү пландалууда.
